مفاهيم خطأ عن الحضارة المصرية القديمة 

بما انك قررت تـعرف عـن [ التاريخ المصري القديم ]

يبقى لازم عليك تـعـرف " ٧ " نـقط أساسية ✌️

▪️١- لازم تـعرف أن مـصـر دة اسم بلدنا باللغة العربية واللغات السامية عموماً، إنما بلدنا عند اجدادنا المصرين القدماء كان اسمها كـمـت KMT .. ومعناها "الارض السوداء" نظراً لخصوبة تربـة الوادي والدلتا في مصر ، يقابلها بالعربي اسم ( مـصـر ) والانجليزي ( Egypt ).

▪️٢- مفيش حاجة اسمها لما الملك يموت يندفن معاة الخدم بتوعة 

ويقـ/تلوا مراته ويدفنوها معاة وقصص الكارتون دي كلها مش حقيقية،

الملك أما بيموت في العقيدة المصرية القديمة، بينتقل للعالم الاخر 

ف كان بيتحط معاة مستلزماتة من مأكل ومشرب واثاث وملابس بس.

▪️٣- عـروس النيل خـراااافة قصة أسطورية لا وجـود لها في عيد الفيضان المصري ولا ذكـر للتضحية بالبشر أو البنات في الحضارة المصرية نهائي ومفيش دليل واحد على صحة الكلام ده.

▪️٤ -الاهـرمات لم تبنى بالسحر ولا دليل واحـد صغير على ذلك، وسبب شيوع تلك الفكرة في الماضي عدم الالمام بسائر العلوم المتعلقة ببنائها، وكل البرديات المكتشفة امثال برديـة "وادي الـجرف" توضح أن عمال الاهرامات كانو يطلقون علي أنفسهم لـقب ( سـتـب-صـا ) بمعني الصفوة .. وكان لهم معاملة خاصة من البيت الملكي ، وبعد موتهم تم دفنهم بـ القرب من الاهرامات كـ تكريم لهم " مقابر العمال بناة الاهرام ". 

▪️٥- عدد الاسرات المصرية الملكية الحاكمة ٣٢ أسرة بحوالي اكتر من ٥٥٠ ملك فـ متجيش تشطب كل الملوك دي وتمسك بس بـ"فـرعون " الغير معلوم هويتة أصلا حتى الآن.

▪️٦- الحضارة المصرية تميزت أن بها اصغر ملك في العالم ، وهو الملك "بيبي الثاني" يلية الملك الشاب" توت عنخ آمون".

▪️٧ - المصريين القدماء معرفوش ملكهم باسم فرعون، ولكنه لفظ شاع اطلاقه في التوراة ونصوص العهد القديم على ملوك مصر القديمة، ولم يسمي القرآن ملكا به الا الذي عاصر النبي موسى، ولما كان اسم "بر-عا" الذي يعني "البيت الكبير" قد تطور استخدامه ليشير إلى الملك منذ عصر الدولة الحديثة رجح بعض الآثاريون أنه أصل الاسم التوراتي لملوك مصر، ولا يوجد ما يقطع بهذا الرأي.